loading...

«

»

მარ 09

ყველაზე თხელი სმარტფონი – NEC Casio MEDIAS

ყველაზე თხელი სმარტფონი ანია NEC–მა იაპონიაში დააანონსა მსოფლიოში ყველაზე თხელი ანდროიდ სმარტფონი NEC Casio Mobile MEDIAS N-04C (აპარატის სრული სახელი ამგვარია). აქამდე ყველაზე თხელ სმარტფონებად ითვლებოდნენ ony Ericsson XPERIA Arc და SAMSUNG GALAXY S2, რომელთა სისქეც, შესაბამისად, 8,7 და 8,49 მილიმეტრია, NEC–ის შედევრი კი სისქეში სულ რაღაც 7,7 მილიმეტრია.

NEC Casio MEDIAS–ს აქვს 4 დუიმიანი ელ–სი–დი დისფლეი 480–854 გაფართოებით, მულტითაჩის მხარდაჭერით, 16 მილიონი ფერითა და რაც არანაკლებ მნიშვნელოვანია, დაზიანებებისგან უაღრესად მდგრადი მინით Gorilla Glass. აპარატს ასევე აქვს 800 მეგაჰერციანი პროცესორი (ზუსტი მოდელი არ გაჟღერებულა), 512 მეგაბაიტი ოპერატიული მეხსიერება, 5,1 მეგაფიქსელიანი კამერა განათებით, Bluetooth, Wi-Fi, GPS, როგორც მეორე, ასევე მესამე თობის ქსელების მხარდაჭერა და მობილური ტი–ვი ტიუნერი. მისი გაბარიტები 127–62–7,7 მილიმეტრია, ხოლო წონა სულ რაღაც 105 გრამი.

აპარატში, რომელიც მუშაობს ოპერაციული სისტემა ანდროიდის 2.2 ვერსიაზე, ასევე აღსანიშნავია უკონტაქტო მობილური გადახდების მოდული NFC.

NEC Casio MEDIAS იაპონიაში გაყიდვაში 15 მარტს გამოვა ამავე ქვეყნის მობილურ ოპერატორ NTT DoCoMo–ს ქსელში. აპარატის ფასი ჯერჯერობით უცნობია. ასევე უცნობია ის, გამოვა გაყიდვაში მსოფლიოს სხვა რეგიონებში თუ მისი უპირატესობებით მხოლოდ იაპონელები ისარგებლებენ.