loading...

«

»

იან 22

სიკვდილის ველის მოსრიალე ქვების საიდუმლო

დიდი ხნის განმავლობაში სიკვდილის ველის მოსრიალე ქვების საიდუმლო გამოცანად რჩებოდა. უცნაურია, გიგანტურ ქვებს, რომლებიც 320 კილოგრამამდეც კი იწონიან, თუ როგორ შეუძლიათ მიწაზე გადაადგილება. NASA-ს გეოლოგები ირწმუნებიან, რომ ამ გამოცანის პასუხი იპოვეს.

ამ დრომდე არცერთ ადამიანს არ უნახავს საკუთარი თვალით თუ როგორ მოძრაობენ ქვები, მაგრამ ფაქტი მათი მოძრაობის შესახებ ფაქტად რჩება.

პროფესორ რალფ ლორენცის მტკიცებით, მოსრიალე ქვების საიდუმლო საკმაოდ მარტივი გამოსაცნობია: ზამთრობით ქვები ყინულით იფარება, ზაფხულის დადგომისკენ თოვლი დნება, ლოდები კი მოლიპული ზედაპირისა და ქარის ძალის წყალობით გადაადგილებას იწყებენ და ნაკვალევს ტოვებენ მიწაზე.

როგორი კარგიც არ უნდა იყოს პროფესორ ლორენცის თეორია, უჩვეულო მოვლენის ახსნის თაობაზე, ზოგიერთები მაინც ძველებურად მიიჩნევენ, რომ სიკვდილის ველის ქვები მაგიურ ძალას ფლობენ.