Category Archive: ავტო

კომპანია ოპელმა ახალი თაობის სამკარიანი ჰეჩბეკის ასტრასთან დაკავშირებით დეტალური ინფორმაცია და ახალი ფოტოსურათები გაავრცელა. ფართო საზოგადოებას ავტომობილს მიმდინარე წლის სექტემბერში ფრანკფურტის ავტოშოუზე წარუდგენენ.

ხუთკარიან ჰეჩბეკთან შედარებით ახალი ასტრა 15 მილიმეტრით დაბალია, 10 მილიმეტრით აქვს გადიდებული ბორბლების ბაზა. ოპელ ასტრა ჯთც–მ წინ ისეთივე საკიდარი მიიღო, როგორიც გაძლიერებულ ოპელ ინსიგნია ოპც–ჰიპერსტრიტს აქვს. ის წარმოადგენს ჩვეულებრივ “მაკფერსონს” ცალკე მბრუნავი მუშტით, როგორც ფორდ ფოკუს რს–ზე და უფრო ხისტი ზამბარებით. უკან იგივე დარჩა უატას მექანიზმით, როგორც ხუთკარიან ჰეჩბეკზე.

სამკარიან ასტრას მყიდველებს ასევე შესთავაზებენ მექატრონული შასი ფლექრიდეთი ადაპტური ამორტიზატორებით. შერჩეული სვლის რეჟიმის მიხედვით იცვლება ამორტიზატორების მახასიათებლები, ასევე დაწოლა საჭეზე და აქსელერატორზე.  Read the rest of this entry »

ოღონდ, 2008 წლისგან განსხვავებით, როდესაც იტალიურმა კომპანიამ მძარცველთა გულის გასახეთქად, პოლიციას თავისი სუპერ ავტომობილი „გალიარდო LP560-4 პოლიცია” აჩუქა, ამჯერად, რასაც ფოტოზე ხედავთ, მხოლოდ კონცეპტუალური ხედვაა იმისა, თუ როგორ შეიძლება გამოიყურებოდეს „გამძვინვარებული ხარების” (ლამბოს ემბლემა) უახლესი სუპერ ავტომობილი – „ავენტადორი”.

ორი ატელიეს – „მილანო არტვორკსის” და „კარერადიზაინის” სპეციალისტებმა საპოლიციო „ავენტადორის” გაფორმების რამდენიმე ვერსია შეიმუშავეს. ყველა მათგანზე, ავტომობილი თეთრ და ლურჯ ფერებშია შეღებილი. გაფორმება დაახლოებით ისეთივეა, როგორც საპოლიციო „გალიარდოს” შემთხვევაში.

დიზაინერთა კონცეპციები ასევე გულისხმობს, რომ ავტომობილები დეფიბრილატორითა და მაცივარ-კონტეინერით იყოს აღჭურვილი. პირველი ისეთი ვითარებისთვის, როცა შემთხვევის ადგილზე სასწრაფო დახმარების ბრიგადის მისვლა გვიანდება (ლამბოს ვინ მიასწრებს), მეორე კი უფრო იშვიათ შემთხვევებს გულისხმობს, როცა სატრანსპლანტაციო ორგანოს გადატანაა საჭირო. Read the rest of this entry »

საერთაშორისო კონკურს წლის საუკეთესო ძრავის ჟიურიმ, რომელშიც 36 ქვეყნის 76 საავტომობილო ჟურნალისტი შედიოდა, გამარჯვება „ფიატ-ის” სერია „ტუინეარის” ორცილინდრიან ძრავს მიანიჭა, რომლის მუშა მოცულობაც 0.875 ლიტრია.

გარდა ამისა, ამავე აგრეგატმა წლის საუკეთესო ახალი ძრავის, საუკეთესო „მწვანე ძრავის” და ერთ ლიტრამდე მოცულობის მქონე ძრავებში საუკეთესოს წოდებაც მოიპოვა.

სპორტულ და 4.0 ლიტრზე მეტი მოცულობის ძრავებს შორის, საუკეთესოდ „ფერარის” 4.5-ლიტრიანი V8 აგრეგატი აღიარეს, რომელიც 570 ცხენის ძალას ავითარებს და რომლითაც პოპულარული „458 იტალია” არის აღჭურვილი.

1.0-დან 1.4 ლიტრამდე მოცულობის ძრავებში, პირველი ადგილი ზედიზედ მეორედ, „ფოლკსვაგენის” 1.4-ლიტრიანმა აგრეგატმა მოიპოვა, რომელსაც ორი დამჭირხნი – მექანიკური და ტურბო, ემსახურება.

1.4-დან 1.8 ლიტრამდე ძრავებში საუკეთესოდ, ჟიურიმ „ბეემვესა” და „პეჟო-სიტროენის” მიერ ერთობლივად შემუშავებული 1.6-ლიტრიანი ოთხცილინდრიანი ტურბოძრავი დაასახელა. ამ ძრავმაც ესოდენ საპატიო აღიარება ზედიზედ მეორედ მიიღო. ცნობისათვის, გამარჯვებული აგრეგატით, „მინის” და ფრანგული კომპანიების ავტომობილებია აღჭურვილი. Read the rest of this entry »