loading...

«

»

თებ 05

Flexiphone: დრეკადი მობილური 30 წამში იტენება

დღეისათვის მაღალი ტექნოლოგიები იმდენად სწრაფად ვითარდებიან, რომ მობილური ელექტრონიკის მწარმოებლებს ხანდახან წარმოსახვა ან გაბედულობა არ ჰყოფნით ამ ტექნოლოგიების ღირსეული გამოყენება შემოგვთავაზონ. ყველაზე თამამნი არიან კონცეპტების შემქმნელები, ვისი ნამუშევრებიც საოცარი ფუნქციებითაც გამოირჩევიან, და შთამბეჭდავი დიზაინითაც.

ახალი ნამუშევარი წარმოადგინა ბრიტანელმა დიზაინერმა ფილიპ პირსმა (Philip Pearce), კონცეპტის სახელია Flexiphone. ამ მოწყობილობის ყველაზე უმნიშვნელო შესაძლებლობა დრეკადი კორპუსია; მომხმარებელს ტელეფონისთვის ნებისმიერი ფორმის მიცემა შეუძლია მაქსიმალურად კომფორტული მუშაობისთვის. Flexiphone-ის მეორე ღირსება, უეჭველად განსაკუთრებული აკუმულატორია, რომელიც კომპანიის NEC მიერაა შექმნილი. ეს «ორგანული ბატარეა» პრაქტიკულად მყისიერად იტენება, პროცესი სულ რაღაც 30 წამს გრძელდება.

ტელეფონის მესამე ღირსება კი დამცავი დაფარვაა. ეს არ არის დღეისათვის მოდური Gorilla Glass, არამედ ნამდვილი გრაფენი, რომლის თვისებები აქამდე ბოლომდე არ არის შესწავლილი. ყველაფერ ამასთან ერთად, ტელეფონი წყალგაუმტარ კორპუსშია მოთავსებული; გათვალისწინებული აგრეთვე გარე მისაერთებელი მოდულები კლავიატურა და დინამიკი. რაც შეეხება Flexiphone-ის პროგრამულ პლატფორმას, მის შესახებ ავტორი დუმილს ამჯობინებს, მაგრამ ეკრანზე ჩვენ ვხედავთ იკონკებს Internet Explorer, Gmail და iPod. როგორც ჩანს, ეს იმისთვისაა გაკეთებული, რომ არც ერთი კონკურენტი ბანაკის თაყვანისმცემელი არ დარჩეს უკმაყოფილო.

წყარო: designbuzz.com